Kanadadaky ýangynlar sebäpli Nýu-Ýork şäheri dünýädäki iň hapa howaly şäherleriň reýtinginde birinji orny eýeledi. Bu barada dünýäniň iň uly şäherlerinde howanyň hiline gözegçilik edýän IQAir halkara saýtynyň maglumatlaryna salgylanyp, lenta.ru habar berýär.
Habar ýazylan wagty Nýu-Ýork Ysraýylyň paýtagty Tel-Awiwden we Miçigan ştatynyň Detroýt şäherinden öňe geçip, birinji orny eýeleýärdi. Häzir Nýu-Ýorkda howanyň hil görkezijisi 185-e, Tel-Awiwde 157-ä, Detroýtda 154-e barabar.
Ýatlap geçsek, 7-nji iýunda şäher Kanadada möwç alan ýangyn sebäpli tüsse bilen örtüldi. Nýu-Ýorkyň häkimi Erik Adams ýaşaýjylary köçelere azrak çykmaga çagyrdy. Saglygy goraýyş departamentiniň başlygy Aşwin Wasan howanyň hapalanma derejesiniň 1960-njy ýyllardan bäri rekord görkezijä ýetendigini habar berdi.
