“Ýuwentus” Super ligadan çykmak isleýändigini tassyklady

  • 09.06.2023 11:47
  • 13k+

Italiýanyň “Ýuwentus” futbol kluby resmi saýtynda beýan bilen çykyş edip, onda Ispaniýanyň “Real” we “Barselona” klublaryna Super liganyň taslamasyndan çykmak isleýändigi barada hat iberendigini tassyklady. Bu barada rsport.ria.ru habar berýär.

Öň, Italiýanyň Futbol federasiýasynyň Federal şikaýat kazyýeti “Ýuwentusa” maliýe aldawlary sebäpli ýurduň çempionatynda on utukdan mahrum etme görnüşinde jeza berdi. HBS Ýewropanyň Futbol Assosiasiýalarynyň Birleşiginiň (UEFA) kluby diňe bir galplyk sebäpli däl, eýsem Super liganyň taslamasyny goldaýandygy üçin bir ýyl we ondan köp wagtlap ýewrokuboklardan çykaryp biljekdigini habar berdi.
Beýanda “Ýuwentusyň” Super liganyň taslamasyndan çykmagy bilen bagly üç klubuň arasynda maslahatlaşmaga başlajakdygy aýdylýar. Klubda UEFA tarapyndan bolup biljek sanksiýalar howpy barada HBS-iň habarlarynyň hakykata laýyk gelmeýändigi hem bellenilýär.
2021-nji ýylyň aprel aýynda Ýewropa klublarynyň 12-si Super liganyň döredilýändigini mälim etdi. Halkara Futbol Federasiýasy (FIFA), UEFA, milli assosiasiýalar, futbol jemgyýetiniň wekilleri we janköýerler täze ýaryş pikirini berk tankytladylar. Şondan soň Angliýanyň klublarynyň ählisi, soňra Milanyň “Interi” we Madridiň “Atletikosy” taslamadan çykýandyklaryny habar berdiler. Super liga pikirine “Ýuwentus”, “Real” we “Barselona” ygrarly boldy. UEFA olara garşy düzgün-nyzam çäresini gozgady.


düýn 21:44
4.1k+

Ýamal Winisiusdan öňe geçip, Transfermarkt tarapyndan iň gymmat futbolçy diýlip saýlandy

“Barselonanyň” we Ispaniýanyň milli ýygyndysynyň hüjümçisi Lamin Ýamal Transfermarkt portaly tarapyndan düzülen dünýäniň iň gymmat futbolçylarynyň reýtinginde birinji orny eýeledi. Täzelenen reýtingde 17 ýaşly oýunçynyň bahasy 180 mln ýewrodan 200 mln ýewro çenli artdy...

düýn 21:38
2.5k+

Hosep Gwardiola Mançester uniwersitetiniň hormatly doktorlyk derejesine mynasyp boldy

“Mançester Sitiniň” baş tälimçisi Hosep Gwardiola Mançester uniwersitetiniň hormatly doktorlyk derejesini aldy. Ol şäheriň ösüşine goşan goşandy we futboldan daşary işleri, şol sanda Guardiola Sala Foundation haýyr-sahawat gaznasynyň işi üçin sylaglandy...

düýn 15:35
4.5k+

“Interiň” baş tälimçisi klubuň öňki goragçysy Kristian Kiwu boldy

Milanyň “Inter” futbol kluby Kristian Kiwuny toparyň baş tälimçisi wezipesine belledi. Bu barada klubuň resmi saýtynda habar berilýär. 44 ýaşly rumyniýaly hünärmen bilen şertnama 2027-nji ýylyň tomsuna çenli hereket eder...

düýn 15:27
5.1k+

Ançelotti milli ýygyndylaryň arasynda iň köp zähmet hakyny alýan tälimçi boldy

Karlo Ançelotti Madridiň “Realyndaky” tälimçi ygtyýarlyklaryny Habi Alonso berenden soň, tiz wagtdan Braziliýanyň milli ýygyndysyna ýolbaşçy boldy. Taraplaryň arasyndaky gepleşikler bir ýyldan köp dowam etdi. KHBS-iň maglumatlaryna görä, Ançelotti Braziliýa toparynyň başyna geçenden soň, ähli milli ýygyndylaryň arasynda iň köp zähmet hakyny alýan tälimçi boldy...