Apple iPhone X bilen Apple Watch Series 3-i resmi taýdan könelen diýip yglan etdi

  • 09.06.2023 11:51
  • 10k+

Apple kompaniýasy WWDC23 tanyşdyrylyş dabarasynyň çäklerinde iOS 17, iPad OS 17, macOS 14 Sonoma we watchOS 10 operasion sistemalaryny anons etdi. Şonuň bilen birlikde haýsy gurluşlaryň täzelenmä eýe boljakdygy, haýsylarynyň eýe bolmajakdygy belli boldy. Häzirki iPhone, iPad, Mac we Apple Watch-yň doly sanawyny Rozetked neşiri çap etdi diýip, gazeta.ru habar berýär.

iPhone XR-den başlap ähli esasy modeller iOS 17-ä çenli täzelenip bilerler. Şeýle-de, täze OS-a 2020-nji we 2022-nji ýyllaryň iPhone SE modelleri eýe bolar. Şeýlelik bilen, Apple 2023-nji ýylda iPhone X, iPhone 8 we has köne modelleri könelişen diýip resmi taýdan ykrar etdi.
iPadOS 17-ni ikinji nesil iPad Pro-dan, üçünji nesil iPad Air-den, altynjy nesil iPad-den we bäşinji nesil iPad mini-den uly bolmadyk gurluşlar gurnap biler. Sanalyp geçilen modellerden öň çykan ähli gurluşlar operasion sistemanyň täze wersiýasyny almaz.
Öz gezeginde, watchOS 10-y Apple Watch Series 3-den täze gajetleriň eýeleri gurnap biler. Has takygy, watchOS 10 Apple Watch Series 4, 5, 6, 7 we 8, şeýle-de, Apple Watch SE we Apple Watch Ultra üçin elýeterli bolar.
MacOS 14 Sonoma-ny 2019 iMac, 2017 iMac Pro, 2018 MacBook Air, MacBook Pro, 2019 MacPro, 2022 Mac Studios, şeýle-de 2018 Mac mini alar.
Apple kompaniýasynyň täze operasion sistemalarynyň relizi şu ýylyň güýzünde geçiriler.


düýn 17:37
1.1k+

Apple AirPods nauşniklerine kamerany dolandyrmak mümkinçiligini we uky detektoryny goşar

Apple kompaniýasy AirPods nauşnikleri üçin uly täzelenme taýýarlaýar. The Verge-iň maglumatlaryna görä, nauşnikleriň kömegi bilen iPhone ýa-da iPad kamerasyny dolandyryp bolar. Ulanyjylar AirPods-yň “aýagyna” basyp, surata düşürip biler...

06.06.2025 16:00
3.4k+

Apple-iň millionlarça gurluşynda YouTube işlemegini bes etdi

YouTube iOS üçin programmany 20.22.1 wersiýa çenli täzeledi. Indi ony gurnamak üçin iOS 16 ýa-da has täze operasion ulgam gerek diýip, MacRumors habar berýär. Bu täzelenme sebäpli programma 15-nji wersiýadan ýokary iOS-y goldamaýan köne iPhone modellerinde işlemegini bes etdi...

03.06.2025 13:46
2k+

Ýetip gelýän Apple WWDC 2025 konferensiýasynda uly tanyşdyryşlar bolmaz

Apple kompaniýasynyň «WWDC 2025» işläp düzüjiler konferensiýasy 9-13-nji iýun aralygynda ýönekeý formatda, uly anonslar bolmazdan geçiriler. Bu barada «Bloomberg» agentliginiň žurnalisti Mark Gurman ýazýar. Onuň maglumatlaryna görä, kompaniýa «Apple Intelligence» we emeli aň tehnologiýalaryna aýratyn üns bermez...

02.06.2025 14:14
7.2k+

«28 ýyl soň» filmi bir wagtda 20 sany iPhone-da surata düşürildi

Britaniýaly režissýor Denni Boýl «28 ýyl soň» («28 Years Later») horror filmini surata düşürmek üçin düýpgöter täze usuldan peýdalanypdyr. Filmiň käbir esasy sahnalary dürli ýerlere ýerleşdirilen şol bir wagtda 20-ä çenli iPhone smartfonynyň kömegi bilen surata düşürilipdir...