AnTuTu bençmarkynyň hünärmenleri tarapyndan düzülen täzelenen reýtinge görä, Android operasion sistemasyna esaslanýan smartfonlaryň arasynda Meizu 20 Pro lider boldy. Bu barada ferra.ru habar berýär.
Bu smartfon 2023-nji ýylyň mart aýynyň ahyrynda çykaryldy. Muňa garamazdan, ol ulanyjylardan ýokary baha – 97,5% oňyn seslenme almagy başardy.
Bu netije belli bir wagtlap maglumat meýdanyndan ýiten we ulanyjylar tarapyndan ýatdan çykarylan Meizu brendi üçin uly üstünlikdir.
Reýtingiň ikinji ornunda 94,4% netije bilen ýene bir täze smartfon – Huawei P60 Pro ýerleşdi. Liderleriň üçlügini 93,33% oňyn seslenme bilen Vivo X90 Pro+ jemleýär.
Reýtingiň öňki wersiýalarynda ilkinji üçlügi Realme 10 Pro+, Xiaomi 13 Ultra we OPPO Find X6 Pro emele getirýärdi. Häzirki wagtda Xiaomi brendiniň diňe Xiaomi 13 Pro modeli bar.
