Saud Arabystanynyň milli nebit kompaniýasy Saudi Aramco 4-nji iýunda geçirilen OPEK+ duşuşygyndan soň Aziýadaky, ABŞ-daky we Ýewropadaky müşderiler üçin nebit bahalaryny ýokarlandyrdy. Bu barada Trend habar berýär.
Arab Light görnüşiniň bahasy bir barrele 0,45 dollar ýokarlanar we Oman/Dubai bençmarkynyň bahasyndan 2,55 dollar ýokary bolar. Saudi Aramco Aziýa iberilýän nebitiň ähli görnüşleri üçin hem bahalary deň mukdarda ýokarlandyrdy.
ABŞ we demirgazyk-günbatar Ýewropa üçin Saudi Aramco iberilýän nebitiň ähli görnüşleri üçin bahalary 0,9 dollar ýokarlandyrdy. Şeýlelik bilen, ABŞ-da Saud Arabystanynyň nebiti Argus Sour Crude Index-e (ASCI) gatnaşykda 7,15 dollar premiýa bilen, Ýewropada bolsa Brent-den 3 dollar gymmat satyn alnar. Ortaýer deňzindäki alyjylar üçin bahalar ähli görnüşler üçin barreline 0,6 dollar ýokarlandy, bu hem Brent-den 2,5 dollar gymmatdyr.
