Erling Holand dünýäniň iň gymmat futbolçysy boldy

  • 07.06.2023 15:18
  • 21k+
Erling Holand dünýäniň iň gymmat futbolçysy boldy

Norwegiýaly hüjümçi Erling Holand CIES Football Observatory-nyň garaýşy boýunça dünýäniň iň gymmt futbolçysy boldy.

Sport barlaglary merkeziniň garaýşy boýunça «Mançester Sitiniň» hüjümçisiniň bahasy 245,1 mln ýewro. Holand bahasy 200 mln ýewrodan geçen ýeke-täk oýunçy.
Sanawda ikinji orunda Madridiň «Realynyň» oýunçysy Winisius Žunior ýerleşdi (196,3 mln ýewro). Üçünji ýeri «Arsenaldan» Bukaýo Saka eýeledi (195,8 mln ýewro).
Erling Holand şu möwsümde «Mançester Sitiniň» düzüminde APL-iň hem-de Angliýanyň Kubogynyň eýesi boldy. Ol 2022/2023 möwsümde 35 oýunda 36 gol geçirdi hem-de 8 sany assist etdi.
10-njy iýunda «Mançester Siti» möwsümiň iň jogapkärli duşuşygynda — Çempionlar ligasynyň finalynda «Inter» bilen duşuşar.

N'Golo Kanteniň «Fenerbahçä» transferi resminama alşylanda ýalňyşlyk sebäpli ýatyryldy
düýn 19:59
2.7k+

N'Golo Kanteniň «Fenerbahçä» transferi resminama alşylanda ýalňyşlyk sebäpli ýatyryldy

Ýarym goragçy N'Golo Kanteniň ​«Al-Ittihad» saud klubundan Türkiýäniň «Fenerbahçe» toparyna amala aşyrylmaly  transferi tehniki näsazlyk sebäpli ýatyryldy. Stambul klubunyň metbugat gullugynyň habar bermegine görä, transferiň bökdenmegi taraplaryň arasynda resminama çalşygy mahalynda ýüze çykdy...

Lukman «Atletiko» Madridiň düzüminde oýna çykar, «Liwerpul» 72 mln ýewro goragçy aldy
düýn 10:14
3.2k+

Lukman «Atletiko» Madridiň düzüminde oýna çykar, «Liwerpul» 72 mln ýewro goragçy aldy

Angliýanyň «Liwerpul» futbol kluby Fransiýanyň «Renn» toparynyň 20 ýaşly goragçysy Žeremi Žakeni transfer edendigini resmi taýdan yglan etdi. Ýaş goragçy iňlis klubuna şu ýylyň tomsunda goşular. Insaýder Fabrisio Romanonyň berýän maglumatyna görä, fransuz goragçysy mersisaýdlylara 60 million ýewro düşdi...

Karim Benzema resmi taýdan «Al-Hilýalyň» oýunçysy boldy
düýn 09:57
4.4k+

Karim Benzema resmi taýdan «Al-Hilýalyň» oýunçysy boldy

Fransiýanyň milli ýygyndysynyň öňki hüjümçisi Karim Benzema «Al-Hilýal» klubuna geçdi. Bu barada klubuň metbugat gullugy «X» sosial ulgamyndaky resmi sahypasynda habar berdi. Öň «Al-Ittihadda» çykyş eden 38 ýaşly futbolçy Saud Arabystanynyň Pro-ligasynyň häzirki lideri «Al-Hilýal» bilen 2027-nji ýylyň tomsuna çenli şertnama baglaşdy...

Ronaldu "Al-Nasr" üçin meýdança çykmakdan ýüz dönderýär. Onuň Aşgabada gelmegi sorag astynda
02.02.2026 12:22
18k+

Ronaldu "Al-Nasr" üçin meýdança çykmakdan ýüz dönderýär. Onuň Aşgabada gelmegi sorag astynda

Kriştianu Ronaldu ýene-de üns merkezine düşdi. Ýöne bu gezek gollary bilen däl-de, dörän gapma-garşylyklar sebäpli düşdi. Portugaliýanyň «A Bola» neşiriniň habar bermegine görä, ýyldyz hüjümçi «Al-Nasryň» «Er-Riýad» toparyna garşy geçirjek nobatdaky duşuşygyna gatnaşmazlygy mümkin...