«PSŽ» Messiniň gidýändigini resmi taýdan habar berdi

  • 04.06.2023 12:42
  • 23k+
«PSŽ» Messiniň gidýändigini resmi taýdan habar berdi

Fransiýanyň “PSŽ” futbol kluby resmi saýtynda argentinaly hüjümçi Lionel Messiniň gidýändigini habar berdi. Muny rsport.ria.ru ýetirýär.

“Klub Leo mundan beýläkki karýerasynda hem uly üstünlikleri arzuw edýär” – diýlip, klubuň beýanynda bellenilýär.

Messi 2021-nji ýylyň tomsunda “PSŽ-niň” oýunçysy boldy, ol “Barselona” bilen şertnamasynyň möhleti tamamlanandan soň bu kluba erkin agent hökmünde geçdi. Ol “PSŽ” üçin jemi 74 oýna gatnaşyp, 35 gol geçirdi we 35 netijeli geçirim etdi. Topar bilen bilelikde Fransiýanyň iki gezek çempiony boldy we ýurduň Super kubogyny utdy.
Messi 35 ýaşynda, ol “Altyn topuň” ýedi gezek eýesi, Çempionlar ligasynyň dört gezek ýeňijisi, Ispaniýanyň 10 gezek çempionydyr. Dekabr aýynda argentinaly oýunçy dünýä çempiony, 2021-nji ýylda Amerikanyň Kubogynyň eýesi boldy.

FIFA: Şu gyşda klublar transferler üçin 1,9 mlrd dollar sarp etdi
şu gün 16:20
854

FIFA: Şu gyşda klublar transferler üçin 1,9 mlrd dollar sarp etdi

Halkara Futbol Federasiýasynyň (FIFA) habar bermegine görä, professional erkekler futbol klublary ýakynda tamamlanan ýanwar aýynyň transfer penjiresinde 1,9 mlrd dollardan gowrak sarp etdi. Ýanwar aýynda 5 900-den gowrak halkara transferi hasaba alyndy...

Ispaniýanyň Kubogynyň ýarym finalynda «Barselona» bilen «Atletiko», «Atletik» bilen «Real Sosýedad» duşuşar
şu gün 13:10
2.7k+

Ispaniýanyň Kubogynyň ýarym finalynda «Barselona» bilen «Atletiko», «Atletik» bilen «Real Sosýedad» duşuşar

Ispaniýada Patyşanyň Kubogynyň ýarym final duşuşyklarynyň bije çekilişik dabarasy geçirildi. Ýaryşyň bu tapgyrynda toparlar biri-birleri bilen iki oýun oýnar. Ýarym finalda «Barselona» Madridiň «Atletiko» topary bilen duşuşar...

Canal+ XXI asyryň iň gowy derwezebanlarynyň adyny yglan etdi
düýn 16:36
4.4k+

Canal+ XXI asyryň iň gowy derwezebanlarynyň adyny yglan etdi

Canal+ teleýaýlymynyň žurnalistleri XXI asyryň iň gowy derwezebanlarynyň reýtingini düzdüler. Birinji orny Mýunheniň «Bawariýasynda» oýnaýan nemes golkiperi Manuel Noýer eýeledi. Ikinji orunda Italiýanyň milli ýygyndysynyň we Turiniň «Ýuwentus» toparynyň öňki derwezebany Janluiji Buffon ýerleşdi...

Mbappe ejesine ýylda 4,5 million ýewro iş hakyny töleýär
düýn 15:18
9.8k+

Mbappe ejesine ýylda 4,5 million ýewro iş hakyny töleýär

Fransiýanyň milli ýygyndysynyň we Madridiň «Realynyň» hüjümçisi Kilian Mbappe her ýyl ejesi Faýza Lamariýä 4,5 million ýewro möçberinde iş hakyny töleýär. Bu barada derbyderbyderby.it portaly habar berýär. Portalyň maglumatyna görä, bu mukdar futbolçynyň girdejisiniň takmynan 30%-ine barabar...