Ýakynda internet torunda Xiaomi-niň Civi 3 smartfonynyň aýratyn görnüşini çykarmaga taýýarlanýandygy barada gürrüňler peýda boldy. Häzir hytaý öndürijisi muny resmi taýdan tassyklady diýip, gagadget.com habar berýär.
Gürrüň Xiaomi Civi 3 Disney 100th Anniversary Edition modeli barada gidýär. Adyndan görnüşi ýaly, gajet Walt Disney kompaniýasynyň 100 ýyllygyna bagyşlanar. Smartfon giňeldilen üpjünçilik toplumyna, şeýle-de sowgatlyk gutusyna eýe bolar. Mundan başga-da, gajetde öňünden gurnalan Mikki Mausly tema bolar. Smartfonyň relizi hem iýun aýynda geçiriler.
Xiaomi Civi 3 Disney 100th Anniversary Edition smartfonynyň aýratynlyklary adaty modelden tapawutlanmaz. Ýagny, gajet 120 Gs 6.55 dýuým AMOLED displeýine, Dimensity 8200 ULTRA prosessoryna, 50 Mp + 8 Mp + 2 Mp bolan üç kamera, 32 Mp + 32 Mp frontal kamera, 67 Wt zarýad beriji bilen 4500 mA/sag sygymly batareýa, NFC, Wi-Fi 5 we Dolby Atmos goldawy bilen stereodinamikalara eýe bolar. Gurluşyň bahasy heniz belli däl
