Serdar Berdimuhamedow ABŞ-nyň Prezidentiniň ýörite wekili bilen howanyň üýtgemegi meseleleri boýunça pikir alyşdy

  • 29.05.2023 23:35
  • 31k+

Şu gün, 29-njy maýda Prezident Serdar Berdimuhamedowyň howanyň üýtgemegi meseleleri boýunça Amerikanyň Birleşen Ştatlarynyň Prezidentiniň ýörite wekili Jon Kerri bilen telefon arkaly söhbetdeşligi boldy. Bu barada «Watan» habarlar gepleşiginde habar berildi.

Söhbetdeşligiň dowamynda howanyň üýtgemegine garşy göreşmekde dünýä bileleşiginiň tagallalaryny birleşdirmek üçin görülýän çäreler babatynda Türkmenistanyň we ABŞ-nyň garaýyşlaryndan ugur alnyp bu meseläniň möhüm ugurlary boýunça gyzyklanma bildirilip pikir alşyldy. Şunuň bilen baglylykda, ählumumy ekologiýa wezipelerini çözmek hem-de daşky gurşawy senagat ösüşiniň depginleri bilen baglanyşykly antropogen  ýagdaýlaryň oňaýsyz täsirinden goramak ulgamynda ýurdumyzyň garaýyşlary beýan edildi.
Şunda, Türkmenistanyň we Amerikanyň Birleşen Ştatlarynyň  özara bähbitlere,  şeýle hem umumy abadançylyk maksatlaryna laýyk gelýän oňyn hyzmatdaşlygy geljekde hem giňeltmäge gyzyklanmalary tassyklanyldy.
Mälim bolşy ýaly, BMG-niň Çarçuwaly konwensiýasyna gatnaşyjy Taraplaryň 26-njy mejlisinde Türkmenistan Ählumumy metan borçnamasy (ÄMB) boýunça täze başlangyjy goldap, onuň kadalaryny  jikme-jik öwrenmäge hem-de Ählumumy metan borçnamasyna goşulmak mümkinçiliklerine garamaga gyzyklanma bildirýändigini beýan etdi.


düýn 16:22
2.1k+

Merkezi Aziýa döwletleriniň ilçileri Türkmenistanyň Yslamabatdaky ilçihanasynda teglek stol geçirdiler

26-njy awgustda Türkmenistanyň Pakistan Yslam Respublikasyndaky (Yslamabat şäheri) ilçihanasynda BMG-niň Deňze çykalgasy bolmadyk ösüp barýan döwletler boýunça üçünji maslahatynyň netijelerine bagyşlanan tegelek stol maslahaty geçirildi...

düýn 16:18
1.7k+

Türkmenistanyň ilçisiniň Irlandiýa iş saparyny amala aşyrdy

25-nji awgustda Türkmenistanyň Irlandiýadaky ilçisi Ýa.Serýaýew (oturýan ýeri London ş.) Dublin şäherine iş saparyny amala aşyrdy. Bu barada Türkmenistanyň DIM-niň saýtynda habar berilýär. Saparyň dowamynda ilçi Irlandiýanyň Daşary işler we söwda ministrliginiň Protokol bölüminiň başlygynyň orunbasary Ralf Wiktor bilen duşuşdy we ynanç hatynyň nusgalaryny gowşurdy...

düýn 15:41
4.6k+

Moskwada Raşid Meredowyň we Sergeý Lawrowyň duşuşygy geçirildi

28-nji awgustda Moskwada Türkmenistanyň daşary işler ministri Raşid Meredow bilen Russiýa Federasiýasynyň daşary işler ministri Sergeý Lawrowyň arasynda duşuşyk geçirildi. Daşary syýasat edaralarynyň ýolbaşçylary çuňňur strategik hyzmatdaşlygyň ýörelgelerine esaslanýan döwletara dialogyň netijeli häsiýetini kanagatlanma bilen bellediler...

28.08.2025 17:40
9.9k+

Aşgabatda Ankara köçesiniň durkuny täzelemek boýunça tender yglan edildi

Türkmenistanyň Gurluşyk we binagärlik ministrligi Aşgabatda Ankara köçesiniň durkuny täzelemek boýunça halkara bäsleşik yglan etdi. Bu barada «Türkmenistan» gazetinde habar berilýär. Gyzyklanma bildirýän kompaniýalaryň we guramalaryň teklipleri bellenilen tertipde kabul edilýär...