Milli ykdysadyýetiň dürli pudaklarynda Türkmenistanyň Senagatçylar we telekeçiler birleşmesiniň işini kämilleşdirmek boýunça çäreler görülýär. Bu barada wise-premýer B.Atdaýew anna güni geçirilen Hökümet mejlisinde hasabat berdi. Bu barada «Watan» habarlar gepleşiginde habar berildi.
Bellenilişi ýaly, ýurdumyzda telekeçileriň we senagatçylaryň netijeli işlemegi üçin ähli zerur şertler döredilýär. Munuň özi iň täze tehnologiýalary hem-de öňdebaryjy tejribäni ornaşdyrmak arkaly häzirki zaman önümçiliklerini ýola goýmak üçin degişli mümkinçilikleri üpjün edýär. Bu kärhanalarda taýýarlanylýan ýokary hilli dürli önümler diňe bir içerki bazarlarda däl, eýsem, daşary ýurtlarda-da uly islege eýedir.
Serdar Berdimuhamedow bu babatda öňde goýlan wezipeleriň üstünlikli ýerine ýetirilmegi bilen baglanyşykly birnäçe tabşyryklary berdi.
