Portugaliýaly futbolçy Kriştianu Ronaldu Saud Arabystanyndan “Al-Nasr” futbol kluby bilen şertnamany möhletinden öň ýatyrmak isleýär. Bu barada “Mundo Deportivo” gazeti habar berdi diýip, TASS belleýär.
Çeşmäniň maglumatlaryna görä, Ronaldu Saud Arabystanynyň “häzirkizaman jemgyýetinden uzakda bolan” infrastrukturasyndan nägile. Şunuň bilen baglylykda, futbolçynyň daş-töweregindäkiler Ýewropa gaýdyp barmak mümkinçiligini gazanmak maksady bilen bu ýagdaý barada habar berip başladylar.
Eger Ronaldu esasly sebäp bolmazdan kluby terk etmek islese, onda ol Halkara Futbol federasiýasynyň düzgünlerine laýyklykda kompensasiýa tölemeli bolar. Şeýle-de, düzgün oýunçy bilen baglylykda şahsy sanksiýalaryň girizilmegini göz öňünde tutýar.
Ronaldu “Al-Nasr” klubuna 2022-nji ýylyň 31-nji dekabrynda geçdi.
