Ispaniýaly tennisçi Rafael Nadal professional karýerasyny 2024-nji ýylda tamamlamak isleýändigini aýtdy.
“Meniň niýetim indiki ýylyň meniň üçin iň soňky bolmagydyr. Çünki, meni bellänler bilen hoşlaşmak üçin ýaryşlarda oýnamak mümkinçiligini gazanmak isleýärin” – diýip, “As” Nadalyň sözlerini getirýär.
“Men henizem ýaryşlara taýýar däl. Maňa sport karýeramy saklamak gerek. Men bu aýlarda öz bedenimi dikeltmäge synanyşaryn, men gaýdyp geljek senämi bellejek däl. Fiziki taýdan taýýardygymy duýan wagtym, ýene başlaryn. Meniň maksadym – ýylyň ahyryna ýetmek we Dewis Kubogynda oýnamak mümkinçiligini gazanmak hem-de indiki ýyly kepillikler bilen garşylamaga synanyşmak. Meniň pikirimçe, bu soňky ýylym bolar” – diýip, ispaniýaly türgen belledi.
Nadal ýanwar aýynda geçirilen Awstraliýanyň Açyk çempionatynda çep aýagynyň ikinji derejeli ýanbaş-bil myşsa şikesini aldy. Oňa 6-8 hepde dynç we çişmä garşy fizioterapiýa bellenildi, ýöne dikeldiş möhletiniň ahyrynda-da ol oýna dolanyp bilmedi.
