Türkmen okuwçylary Litwada geçen «VILIPO — 2023» olimpiadasynda 2 altyn, 2 kümüş medal gazandylar

  • 21.05.2023 11:15
  • 21k+

2023-nji ýylyň 11-15-nji maýy aralygynda Litwa döwletiniň Wilnýus şäherinde geçirilen VILIPO-2023 (Wilnýus halkara taslama olimpiadasy) atly olimpiadasyna Türkmenistandan baran mekdep okuwçylary 2 sany altyn hem-de 2 sany kümüş medal gazandylar.

Hususan-da, VILIPO-2023 olimpiadasynyň jemi boýunça Aşgabat şäheriniň dil dersleri çuňlaşdyryp öwredilýän 97-nji orta mekdebinden 11-nji synp okuwçylary Kulyýewa Orazgül we Begliýewa Aýnur kümüş medallary, Aşgabat şäheriniň iňlis dili dersine ýöriteleşdirilen 83-nji orta mekdebiniň 9-njy synp okuwçysy Mahmudow Mahmyt altyn medala, Aşgabat şäheriniň iňlis dili çuňlaşdyrylyp öwredilýän ýöriteleşdirilen 135-nji orta mekdebiniň 10-njy synp okuwçysy Muhammedow Şamuhammet bäsleşigiň baş baýragy bolan altyn medala mynasyp boldular.
Olimpiada 21 döwletden (Türkmenistan, Litwa, Azerbaýjan, Bosniýa, Kolumbiýa, Çehiýa, Germaniýa, Gana, Wengriýa, Indoneziýa, Yrak, Gazagystan, Gyrgyzystan, Kosowa, Makedoniýa, Mozambik, Nigeriýa, Katar, Rumyniýa, Tanzaniýa, Beýik Britaniýa) okuwçylar 100-den gowrak taslama işini hödürlediler.
Bu abraýly halkara bäsleşigine ýurdumyzyň zehinli mekdep okuwçylaryndan  saýlanan  topar gatnaşdy. Bu bäsleşikde biziň toparymyzyň adyndan Aşgabat şäheriniň iňlis dili dersine ýöriteleşdirilen 83-nji orta mekdebiniň 9-njy synp okuwçysy Mahmudow Mahmyt, Aşgabat şäheriniň dil dersleri çuňlaşdyryp öwredilýän 97-nji orta mekdebinden 11-nji synp okuwçylary Kulyýewa Orazgül we Begliýewa Aýnur, Aşgabat şäheriniň iňlis dili çuňlaşdyrylyp öwredilýän ýöriteleşdirilen 135-nji orta mekdebinden 9-njy synp okuwçysy Nuryýew Abdulkaýum, 10-njy synp okuwçysy Muhammedow Şamuhammet hem-de 11-nji synp okuwçysy Nuryýew Emir gatnaşdy.
Topara Aşgabat şäheriniň iňlis dili çuňlaşdyrylyp öwredilýän ýöriteleşdirilen 135-nji orta mekdebiniň matematika mugallymy Ahmet Ballyýew ýolbaşçylyk etdi.


25.08.2025 07:38
4.6k+

Magtymguly adyndaky Türkmen döwlet uniwersitetinde bilim işgärleriniň maslahaty geçirildi

23-nji awgustda Magtymguly adyndaky Türkmen döwlet uniwersitetiniň mejlisler jaýynda ýurdumyzyň bilim işgärleriniň maslahaty geçirildi. Maslahat 2024-2025-nji okuw ýylynyň jemlerini jemlemäge hem-de täze, 2025-2026-njy okuw ýylynda öňde durýan wezipeleri ara alyp maslahatlaşmaga bagyşlandy...

22.08.2025 15:55
1.9k+

Ýaponiýanyň ilçihanasy ýapon dil bilimini bahalandyrýan synag üçin arzalary kabul edip başlady

Japanese-Language Proficiency Test (JLPT) synagyna arzalar kabul edilýär. Bu barada Ýaponiýanyň Türkmenistandaky ilçihanasy habar berdi. Hasaba alnyş 25-nji awgustan 1-nji sentýabra çenli dowam eder. Bellenilişi ýaly, synag şu ýyl ikinji gezek geçirilýär...

22.08.2025 07:45
7k+

Türkmen okuwçylary mental arifmetika boýunça dünýä rekordyny goýdular

21-nji awgustda Aşgabatda geçirilýän «Kids Expo: hemme zat çagalar üçin» atly halkara köpugurly sergi-ýarmarkasynyň çäklerinde mekdep okuwçylarynyň arasynda Mental arifmetika boýunça bäsleşikler guraldy. Türkmenistanyň...

16.08.2025 18:56
5.4k+

Türkmen talyplary Malaýziýada “Future is Now” tomusky okuw maksatnamasyna gatnaşdylar

Halkara ynsanperwer ylymlary we ösüş uniwersitetinden bir mugallym we bäş talyp 3–9-njy awgust aralygynda Malaýziýanyň öňdebaryjy ýokary okuw mekdepleriniň biri bolan Malaýa uniwersitetinde «Future is Now» atly tomusky okuw maksatnamasyna gatnaşdylar...