Halkara Futbol Federasiýasy (FIFA) 2026-njy ýylyň dünýä çempionatynyň logotipini tanyşdyrdy. Bu barada guramanyň saýtyndaky habara salgylanyp, rsport.ria.ru belleýär.
Ýaryşyň logotipinde ilkinji gezek dünýä kubogynyň hakyky keşbi, şeýle-de çempionatyň geçiriljek ýyly görkeziler. Soňrak ýaryşy kabul etjek şäherleriň 16 logotipi hödürlener.
Bu çäre Los-Anjelesdäki Griffit obserwatoriýasynda FIFA-nyň prezidenti Janni Infantinonyň, Braziliýanyň milli ýygyndysynyň düzüminde iki gezek dünýä çempiony Ronaldonyň, Meksikanyň milli ýygyndysynyň öňki derwezebany Horhe Kamposyň, Kanadanyň milli ýygyndysynyň öňki derwezebany Kreýg Forrestiň, ABŞ-nyň milli ýygyndysynyň düzüminde iki gezek dünýä çempiony Karli Lloýdyň gatnaşmagynda geçirildi.
2026-njy ýylyň dünýä çempionaty ABŞ-da, Kanadada we Meksikada geçirilip, 48 topar gatnaşjak ilkinji çempionat bolar.
