«Red Bull-yň» niderlandly sürüjisi Maks Werstappen “Formula-1” çempionatynyň bäşinji tapgyry bolan Maýaminiň Gran-prisinde ýeňiji boldy. Ýaryş ABŞ-nyň ýolunda geçirildi.
“Formula-1-iň” häzirki çempiony häzirki möwsümde üçünji ýaryşyny utdy. Werstappen ýaryşa dokuzynjy orundan başlady. Tapgyrda ikinji orny onuň topardaşy meksikaly Serhio Peres eýeledi (yza galyş 5,384 sekunt). Üçünji bolup pellehana “Aston Martinden” ispaniýaly Fernando Alonso geldi (+26,305).
Şeýle-de, ilkinji onluga şular girdi: 4. Jorj Rassel (“Mersedes”); 5. Karlos Saýns (“Ferrari”); 6. Lýuis Hemilton (“Mersedes”); 7. Şarl Lekler (“Ferrari”); 8. Pýer Gasli (“Alpin”); 9. Esteban Okon (“Alpin”); 10. Kewin Magnussen (“Haas”).
Maýaminiň Gran-prisi taryhda ikinji gezek geçirildi, Werstappen 2022-nji ýylda ýaryşyň ýeňijisi boldy. Häzirki Maýaminiň Gran-prisi möwsümde ähli sürüjilere pellehana gelmek başardan ilkinji tapgyr boldy.
Çempionatyň indiki tapgyry Emiliýa-Romanýanyň Gran-prisi bolup, 19-21-nji maýda Italiýanyň Imola şäherinde Enso we Dino Ferrari adyndaky awtodromda geçiriler.
