Forbes žurnalynyň wersiýasy boýunça «Al-Nasr» saud klubunyň hüjümçisi Kriştianu Ronaldu 2023-nji ýylda iň köp aýlyk alýan türgen boldy.
Neşiriň resmi web sahypasynda çap edilen sanawa görä, 37 ýaşly Ronaldu soňky 12 aýda 123,9 million ýewro (136 million dollar) girdeji gazandy, şolardan 41,9 million ýewro (46 million ýewro) klublardan alan aýlygy (“Mançester Ýunaýted”, “Al-Nasr”) we ýene 81,9 million ýewro (90 million dollar) - dürli mahabat we hemaýatkärlik şertnamalaryndan gazanany.
Geçen ýylyň lideri, «PSŽ-niň» hüjümçisi Lionel Messi görkezilen döwürde 118,4 million ýewro (130 million dollar) gazandy, şolardan 68 million ýewro (75 million dollar) – alan aýlygy.
Ýylyň iň köp girdeji gazanan türgenleriniň sanawynda üçünji orunda «PSŽ-niň» hüjümçisi Kilian Mbappe bar. 24 ýaşly fransuz hüjümçisiniň girdejisi 109 million ýewro (120 million dollar) boldy.
