Ýöriteleşdirilen 9to5Mac portalynyň habar bermegine görä, Apple enjamyň ýerleşýän ýerine baglylykda iOS 16-nyň ulanyjylary üçin täze çäklendirmeler ulgamyny synagdan geçirýär.
iPhone smartfonlary we iPad planşetleri häzirki wagtda tutuş dünýäde işleýär, ýöne iOS-yň kä ýurtlarda elýeter bolan käbir funksiýalary başga bir ýurtlarda, käbir ýerli düzgünler sebäpli, elýeterli bolmazlygy mümkin. Mysal üçin, BAE-de iPhone-nyň ulanyjylaryna ses we wideo söhbetdeşlikleri arkaly biri-biri bilen aragatnaşyk saklamaga mümkinçilik berýän Apple-iň platformasy bolan FaceTime programmasyny ulanyp bilmersiňiz.
Häzirki wagtda “almaly” dörediji, käbir ýerlerde iOS-yň funksiýalaryny çäklendirmek üçin gaty kodlaşdyrmak usulyny ulanýar, şonuň üçin çäklendirmeleriň köpüsi iOS gurnalan enjamyň satuw sebitine baglydyr. Indi kompaniýa has öňe gitmek kararyna geldi we Apple-iň gajetiniň ulanylýan sebitini kesgitlemek üçin has akylly ulgam döredýär.
