Özbegistanyň konstitusiýasyna üýtgetmeler girizmek baradaky referenduma gatnaşanlaryň sany sanawa girizilen raýatlaryň sanynyň 84.54% -ine deň boldy.
Duşenbe güni Trend agentliginiň habar bermegine görä, bu barada Özbegistanyň Merkezi saýlaw toparynyň başlygy Zaýniddin Nizamhojaýew tarapyndan geçirilen brifingde mälim edildi.
Nizamhojaýewiň pikiriçe, referenduma gatnaşmak üçin jemi 19,7 million adam hasaba alyndy, şolardan 16,6 million raýat Konstitusiýa üýtgetmeler girizmek üçin ses berdi.
Merkezi saýlaw toparynyň başlygynyň sözlerine görä, saýlawçylaryň 90,21 göterimi Konstitusiýanyň üýtgedilmegini goldady, 9,35 göterimi bolsa muňa garşy çykdy.
30-njy aprelde, ýekşenbe güni Özbegistanda referendum geçirilendigini ýatladýarys.
Möhletinden öň ses berişligiň 19-26 aprel aralygynda geçendigini bellemelidirs. Özbegistanyň 611 müňden gowrak raýaty konstitusiýa üýtgetmeler girizmek boýunça referendumda möhletinden öň ses berdi.
Konstitusiýa girizilen üýtgetmeler gözegçilik we hukuk goraýjy edaralaryň ýolbaşçylaryny wezipä bellemekde mejlisiň borçlaryny güýçlendirýär, prezidentiň ygtyýarlyklarynyň bir bölegi bolsa iň ýokary kanun çykaryjy organa geçirilýär. Mundan başga-da, prezidentlik möhletini 5 ýyldan 7 ýyla çenli uzaltmak teklip edilýär.
