Talibanlaryň Hökümeti «Ýasir Basir» halkara firmasynyň Owganystanyň üsti bilen Türkmenistandan Pakistana awtomobil ulagy arkaly suwuklandyrylan nebit gazyny iberip başlandygyny yglan etdi. Bu barada Kandagarda talibanlaryň hökümetiniň müdirliginiň neşir eden maglumat beriş beýanyndan mälim boldy. Maglumatda Kandagarda Şurandumda geçirilen resmi çäre beýan edilýär.
Başlangyç tapgyrda Owganystanyň üsti bilen Türkmenistandan Pakistana 50 sany gaz daşaýjy ulag geçirildi diýip, 30-njy aprelde TOLOnews telekompaniýasy Owganystanyň maliýe ministrliginiň sosial ulgamlardaky beýanyna salgylanyp habar berdi.
Kandagaryň gümrük gulluklary türkmen gazy owgan serhediniň üsti bilen Pakistana geçirilenden soň, harytlyk gazlary üstaşyr geçirmek üçin günorta owgan welaýaty bolan Kandagarda ýerleşen «Spin-Boldak» serhet geçiriş nokadynyň günde 24 sagadyň dowamynda hereket etjekdigini kepillendirdiler diýip, centralasia.news habar berýär..
