Futbol boýunça üç gezek dünýä çempiony Peläniň (Edson Arantis du Nasimentu) ady "iň gowy, aýratyn, deňsiz-taýsyz, özboluşly" manysynda Braziliýada neşir edilýän Michaelis portugal diliniň sözlügine girizildi diýip, AP agentligi habar berýär. Muny sportrbc.ru ýetirýär.
"Pele" sypatynyň kesgitlemesi makalada şeýle berilýär: "Öňdebaryjy ýa-da öz häsiýetleri, gymmatlyklary ýa-da artykmaçlyklary bilen hiç zat we ähli döwürleriň iň gowy türgeni bolan Peleden başga hiç kim bilen deňeşdirilip bilinmeýän adam; aýratyn, deňsiz-taýsyz, ýeke-täk. Meselem: ol basketbolda Pele, ol tennisde Pele, ol Braziliýanyň teatrynda Pele, ol lukmançylykda Pele".
"Biz bilelikde taryha girdik we futbol şasynyň adyny portugal diline geçirdik. Pele "iň gowy" diýmegi aňladýar" - diýlip, Peläniň Instagram sahypasynda ýerleşdirilen beýanda aýdylýar.
Pele 29-njy dekabrda 82 ýaşynda aradan çykdy, soňky iki ýyl ol içegäniň rak keseli bilen göreşdi.
Peläniň hasabynda üç dünýä çempiony tituly (1958, 1962, 1970), Braziliýanyň milli ýygyndysy üçin 92 oýun we 77 gol bar. Argentinaly Diego Maradona bilen bilelikde Pele FIFA tarapyndan XX asyryň iň gowy futbolçysy diýlip ykrar edildi.
