Billboard aýdym-saz neşiri aýdymçy Şakirany ýylyň zenany diýip yglan etdi. Ol sahna pudagynyň ösüşine goşan goşandy üçin hormatly ada mynasyp boldy.
Amerikanyň aýdym-saza we şou-biznese bagyşlanan Billboard žurnalynyň wekilleri 7-nji maýda täze Latin Women in Music çäresiniň ilkinji dabarasynda Kolumbiýanyň meşhur aýdymçysyna baýrak gowşurar.
Billboard öz baş kontent-menejeri Leýla Kobonyň sözlerini getirip şeýle ýazýar: "Şakira Woman in Music-de iň oňat zenan. Ol bütin dünýäniň latynamerikan aýal-gyzlaryna çuňňur şahsy aýdym-sazlary ýazmagyň we ýerine ýetirmegiň mysalyny görkezdi" - diýdi. Kolumbiýanyň demirgazygynda doglan Şakira goşgyny we aýdymy ir ýazyp başlady we 13 ýaşynda ilkinji albomyny çykardy.
Häzirki wagtda 46 ýaşly ýyldyz köp sanly professional aýdym-saz baýraklarynyň eýesidir. Albomlary bolsa dünýäde takmynan 100 million nusga satyldy.
