2040-njy ýyla çenli diňe elektromobilleri we ýangyç elementlerinde işleýän awtomobilleri çykarmagy maksat edinýän Ýaponiýanyň Honda Motor Co. korporasiýasy 2024-nji ýylda amerikan bazarynda iki elektromobil modeliniň – General Motors Co. bilen bilelikde çykarylýan Honda Prologue we Acura ZDX modelleriniň peýda boljakdygyny habar berdi. 2025-nji ýylda sebitde Honda-nyň hususy platformasyna esaslanýan elektromobil peýda bolar diýlip, kompaniýanyň metbugat relizinde aýdylýar. Muny interfax.ru ýetirýär.
Ýaponiýada kompaniýa 2024-nji ýylyň birinji ýarymynda N-VAN elektrominiwenini satyp başlar, 2025-nji ýylda bolsa N-ONE elektromobillerini satuwa çykarar. 2026-njy ýylda Honda ýapon bazaryna ýene iki elektromobil modelini çykarmagy meýilleşdirýär.
Hytaýda awtoöndüriji 2027-nji ýyla çenli 10 sany täze elektromobil modelini hödürlemegi maksat edinýär. Honda HHR-de 2035-nji ýyldan başlap, diňe elektromobilleri we ýangyç elementlerinde işleýän awtoulaglary satmak isleýär.
Kompaniýa 2030-njy ýyla çenli ýylda 2 milliondan gowrak elektromobil öndürmegi maksat edinýär.
Awtoöndüriji programma üpjünçiligini işläp düzmek ugrundan işgärleri işe almak meýilnamasyny iki esse artdyrmagy we mobillik ugrundan gözleglere ýylda 100 mlrd ýena ($750 mln) bölüp bermegi meýilleşdirýär.
