Türkmenistanyň Prezidentiniň Permany bilen türkmen bedewiniň milli baýramy mynasybetli Türkmenistanyň we daşary ýurtlaryň raýatlaryna «Türkmenistanyň at gazanan atşynasy» diýen hormatly atlar dakyldy.
Türkmenistanyň şu raýatlaryna «Türkmenistanyň at gazanan atşynasy» diýen hormatly at dakyldy:
- Türkmenistanyň Milli howpsuzlyk ministrliginiň işgäri Hydyrguly Hojamberdiýewiç Öwezowa,
- «Türkmen atlary» döwlet birleşiginiň Mary döwlet athanasynyň Lebap bölüminiň müdiri Aýdogdy Açylowiç Rowşanowa,
- Ahal welaýatynyň Ak bugdaý etrabynyň “Abadan” daýhan birleşiginiň kärendeçisi, hususy atşynas Bäşimdurdy Şadurdyýewe,
- Balkan welaýatyndan hususy atşynas Allaberdi Allaberdiýewe.
Şu daşary ýurt raýatlaryna «Türkmenistanyň at gazanan atşynasy» diýen hormatly at dakyldy:
- Gazagystan Respublikasynyň «Ahal-Teke» atly ahalteke atçylyk hojalygynyň başlygy Ýakow Dige,
- Kanadadan hususy atşynas Kerri Jo Stewarta.
