Ulanyjylara Marvel komiksleriniň super gahrymanlary bilen bilelikde sport ylgawyny hödürleýän Marvel Move fitnes programmasy anons edildi. Bu barada Hi-Tech Mail.Ru portaly habar berýär diýip, gazeta.ru belleýär.
Programmada türgenleşiklere ses berjek we öz türgenleşikleri barada wakalary gürrüň berjek super gahrymanlaryň ýazgylary jemlener. Super gahrymanlara ses bermäge Marvel filmlerinde oýnan aktýorlaryň çekilendigi habar berilýär. Mysal üçin, Tora Kris Hemswort, Halka bolsa Mark Ruffalo ses berdi.
Programma Zombies, Run! fitnes programmasynyň awtory Six to Start kompaniýasy tarapyndan döredildi. Marvel Move-de ulanyjylar dürli çylşyrymlylyk derejelerini we sýužet liniýalaryny saýlap bilerler.
Marvel Move 2023-nji ýylyň tomsunda çykar we mugt serwis bolar, ýöne ähli funksiýalara diňe tölegli abunaçylar elýeterli bolup biler. Hyzmatyň bahasy ýylda 75 dollar bolar. Programma Android-de we iOS-da işlär.
