Hindistanyň ýaşaýjysy “Titanik” gämisiniň şekilinde hususy öýüni gurdy. Mintu Roýuň aýtmagyna görä, ol çagalykdan “Titanige” meňzeş öýde ýaşamagy arzuw edipdi. Ulalandan soň ol ýolagçy laýnerini ýada salýan ýaşaýyş jaýyny gurmak kararyna geldi. Ýöne gurluşyk işi örän kyn boldy: inženerleriň köpüsi müşderiniň meýilnamasy bilen işlemek islemeýärdi ýa-da köp pul soraýardy, şonuň üçin Mintu Roý işi öz eline aldy diýip, gazeta.ru belleýär.
Mintu daş örümini öwrenmek üçin Nepala gitdi, soňra gurluşyga başlady. Eýýäm 13 ýyl bäri ol taslamasyny tamamlamaga çalyşýar, ýöne oňa pul ýetmezçilik edýär. Muňa garamazdan, Roý günlerde bir gün bu öýe maşgalasy bilen göçüp geljekdigine ynanýar.
“Biz gurluşyga näçe mukdaryň sarp edilendigini hasaplamadyk. Meniň pikirimçe, 180 müň dollardan az däldir” – diýip, hindistanly adam belleýär.
“Titanigiň” muşdagy ýakyn ýyllarda öýüň gurluşygyny tamamlamagy we goşmaça girdeji çeşmesi hökmünde ýokarky gatda kiçiräk restoran ýa-da çaýhana açmagy umyt edýär.
