Hyundai konserni ykjam Aý modulyny işläp başlady. Hyundai/Kia bileleşigi 2022-nji ýylyň ortalarynda kosmos maksatnamasyna gatnaşmak isleýändigini mälim edipdi, ýöne indi Aý roweriniň konsepsiýasy we maksatnamanyň takmynan amala aşjak wagty kesgitlenildi. Taryhdaky ilkinji Hyundai 2027-nji ýyla çenli Aýa barmaly.
Roweriň dizaýnynyň Hyundai-Kia-da eýýäm bar bolan tehnologiýalary, şol sanda lidar esasly awtonom dolandyryş ulgamyny ulanjakdygy öňe sürülýär. Aý roweri bortdaky batareýalara zarýad bermek üçin Gün panelleri we termosazlaýyş ulgamy, şeýle hem radiasiýa goragy bilen üpjün ediler.
Aý roweri, esasan, iki bölekden - ykjam platformadan we oňa oturdyljak enjamlar toplumyndan ybarat bolar. Ol Aýyň üstüni öwrenmek üçin niýetlenendir: şeýlelik bilen, roweriň toprak nusgalaryny almak üçin robot goly bilen enjamlaşdyrylan bolmagy mümkin. Roweriň toplumynyň agramy 70 kilograma ýetmese gerek.
Kompaniýa aý roweriniň ilkinji prototipi boýunça işleri 2024-nji ýylyň ortalaryna çenli tamamlamagy meýilleşdirýär, şondan soň rower Ýer emeli hemrasynyň üstündäki ýagdaýa ýakyn şertlerde synag üçin iberiler. Kosmiki Hyundai-yň haýsy maksatnamanyň çäginde Aýa gitjegi entek kesgitlenmedi.
