Dünýäniň birinji raketkasy serbiýaly Nowak Jokowiç Madridde geçiriljek “Masters” ýaryşyna gatnaşmaz. Bu barada ýaryşy guraýjylaryň metbugat gullugy habar berýär diýip, matchtv.ru belleýär.
«Nowak Jokowiç ýaryşa gatnaşyp bilmez. Tiz gutulmagyňy dileýäris we seni mümkin boldugyndan gysga wagtda kortda göreris diýip umyt edýäris» diýlip, habarda aýdylýar.
Öň, “Mastersden” ispaniýaly Rafael Nadal hem aýryldy. Anna güni Jokowiç Banýa-Lukada (Bosniýa we Gersegowina) geçirilen ýaryşyň ýarym finalyna çykyp bilmedi, ol dünýäniň 70-nji raketkasy Duşan Laýowiçden utuldy.
Madriddäki ýaryş 26-njy aprelden 7-nji maý aralygynda geçirilmeli.
