Russiýanyň milli ýygyndysy Merkezi Aziýanyň Futbol Assosiasiýasy (CAFA) tarapyndan geçiriljek ýaryşa gatnaşmaz diýip, Russiýanyň Futbol Bileleşiginiň (RFU) baş sekretary Maksim Mitrofanow aýtdy.
"Match TV" Mitrofanowyň sözlerine salgylanyp, "CAFA ýaryşyndan ýüz öwürdik. Düýn olara hat iberildi. Esasy sebäbi oýunçylara agram düşürmezlik bilen bagly" -diýdi.
Ilkinji gezek CAFA çempionaty 2023-nji ýylyň 9-21-nji iýuny aralygynda geçiriler. Merkezi Aziýa Futbol Assosiasiýasynyň alty agzasynyň - Täjigistanyň, Eýranyň, Özbegistanyň, Gyrgyzystanyň, Türkmenistanyň we Owganystanyň ýaryşa gatnaşmaga razylyk berendikleri habar berlipdi. Russiýanyň ýygyndy topary hem çakylyk aldy.
