Apple kompaniýasynyň Hindistandaky satuwy 2022-nji ýylyň aprel aýyndan 2023-nji ýylyň mart aýy aralygynda tas 6 mlrd dollara ýetdi. Bu barada kompaniýadaky çeşmelerine salgylanyp, Bloomberg agentligi habar berýär. Bu geçen 12 aý bilen deňeşdirilende, tas 50% köpdür (şonda ýyllyk satuw 4,1 mlrd dollar boldy) we bu amerikan öndürijisi üçin täze rekorddyr. Muny kommersant.ru ýetirýär.
Apple Bloomberg-iň maglumatlaryna teswir bermekden ýüz öwürdi. Kompaniýanyň resmi maliýe hasabaty 4-nji maýda hödürlener.
Hindistan Apple üçin barha möhüm bazara öwrülýär. Ýylyň başynda Bloomberg 2022-nji ýylda amerikan korporasiýasynyň Hindistandan ol ýerde ýerli portatçylar tarapyndan öndürilen 2,5 mlrd dollarlyk iPhone smartfonlaryny eksport edendigini habar berdi. Bu hem bir ýyl ozalkydan iki esse köpdür. Mundan başga-da, Apple önümçiliginiň bir bölegini kem-kemden Hytaýdan sebitiň beýleki döwletlerine, esasanam, Hindistana we Wýetnama geçirýär.
Ýatlap geçsek, 18-nji aprelde kompaniýanyň baş müdiri Tim Kuk Hindistanda Apple-iň ilkinji resmi dükanyny açdy. Ol Mumbaýyň iş kwartalynda ýerleşýär.
