Apple kompaniýasy Hytaýyň daşynda önümçilik kuwwatyny giňeltmek strategiýasynyň bir bölegi hökmünde Tailandda MacBook noutbuklaryny öndürmegiň mümkinçiligi barada üpjün edijiler bilen gepleşikler geçirýär. Bu barada Ýaponiýanyň Nikkei gazeti habar berdi.
Çeşmeleriň habaryna görä, Apple-iň gepleşiklere gatnaşýan üpjün edijileri Tailandda beýleki müşderiler üçin eýýäm önümçilik desgalaryna eýedir we kompýuterler üçin bölek şaýlary we modullary ýygnamagyň mümkinçiliklerini ara alyp maslahatlaşýarlar. Üpjün edijileriň käbiri eýýäm Tailandda täze zawodlary gurmak we işçi almak meseleleri bilen meşgul.
2023-nji ýylda MacBook-yň önümçiliginiň Wýetnamda başlanmalydygy bellendi. Bu ýurt eýýäm Apple-iň Hytaýyň daşyndaky iň uly önümçilik merkezidir. Wýetnamda Apple-iň üpjün edijileriniň sany 2018-nji we 2021-nji ýyllar aralygynda 14-den 25-e çenli artdy. Wýetnamyň zawodlary iPad planşetlerini we AirPods nauşniklerini öndürýär.
