Anna güni Samarkandda GDA agza döwletleriň Daşary işler ministrleriniň geňeşiniň mejlisi geçirildi. Geňeşiň şu ýyldaky ilkinji mejlisi Arkalaşykda Gyrgyzystanyň başlyklyk etmegine geçdi. Duşuşykda Türkmenistana daşary işler ministriniň orunbasary Wepa Hajiýew wekilçilik etdi.
Wekiliýetleriň ýolbaşçylary GDA çäklerinde syýasy, söwda-ykdysady we medeni-ynsanperwer özara gatnaşyklaryň häzirki ýagdaýyny we geljegini maslahatlaşdylar.
Mejlisiň jemleri boýunça oňa gatnaşyjylar birnäçe resminamalary makulladylar. Bu resminamalar GDA döwletleriniň Baştutanlarynyň hem-de GDA döwletleriniň Hökümet Baştutanlarynyň mejlislerinde tassyklamak üçin hödürleniler.
GDA-nyň Daşary işler ministrleriniň Geňeşiniň nobatdaky mejlisi şu ýylyň 12-nji oktýabrynda Bişkekde geçiriler.
