«Saud Metbugat gullugynyň» habaryna görä, mirasdüşer şazada we premýer-ministr Muhammet bin Salman Saud Arabystanynda dört sany ýörite ykdysady zolagy açdy.
«Saud Arabystany işewürlik üçin açyk we dünýäniň dürli künjeginden gelen maýadarlary biziň hödürleýän mümkinçiliklerimizi görmekleri üçin garşy alýar. Şu gün işe girizilen täze ýörite ykdysady zolaklar ýurtda telekeçiligi ýöretmäge, on müňlerçe iş orunlaryny döretmäge we milliardlarça rial getirmäge düýpli täsirini ýetirer» — diýip, bin Salman ýörite ykdysady zolaklaryň açylyşynda mälim etdi.
Er-Riýadyň golaýynda, Jizanda, port şäheri Ras-el-Haýmada we Jiddadaky şa Abdylla ykdysady şäherinde boljak daşary ýurtlularyň şereketlerine 100% gözegçilik edip biljekdigi, şeýle-de, korporatiw salgydyň bäsleşige ukyply stawkalaryna we import üçin gümrük paçlaryndan boşadylmagyna kepilligi bellenilýär.
Mundan başga-da, daşary ýurt kompaniýalaryna önümçilik we çig mal üçin çeşmeler berler.
