Twitter sosial ulgamy habarlaryň aňrybaş ululygyny 10 müň nyşana çenli köpeltdi we Twitter Blue abuna ýazylyşygy boýunça şrifti formatirlemegi girizdi. Bu barada penşenbe güni Twitter Write sahypasynda habar berildi.
"Biz Twitter-de ýazmagyň we okamagyň mümkinçiliklerini ösdürýäris! Şu günden başlap Twitter teksti goýygara ýa-da kese görnüşinde formatirlemek mümkinçiligi bilen, uzynlygy 10 müň nyşana çenli bolan habarlary goldaýar" – diýip habarda aýdylýar. Bu funksiýalara girmek üçin tölegli Twitter Blue abunasyna ýazylmaly diýip bellenýär.
Ondan öň Twitter-de habarlaryň aňrybaş göwrümi 280-den 4 müň nyşana çenli köpeldilipdi.
