Apple amerikan kompaniýasy 2022-2023-nji maliýe ýylynda (31-nji martda tamamlandy) Hindistanda iPhone-nyň önümçiligini üç esse - 7 milliard dollardan geçirip artdyrdy diýip, penşenbe güni Bloomberg agentliginiň habar berendigini TASS belleýär.
Onuň sözlerine görä, häzirki wagtda Apple, 2021-nji ýyldaky 1% bilen deňeşdirilende, Hindistanda iPhone-nyň 7%-ini öndürýär. Bu ösüş Apple bilen Taýwanyň Foxconn Technology Group we Pegatron korporasiýasynyň arasynda hyzmatdaşlyk şertnamalary baglaşylandan, şeýle hem smartfonlaryň gurnama hatarlarynyň bir bölegi Hytaýdan Hindistana geçirilenden soň gazanyldy.
Apple indiki hepde Nýu-Delide we Mumbaýda ilkinji brend dükanlaryny açmagy meýilleşdirýär.
Bloomberg-iň berýän habaryna görä, Apple-iň baş direktory Tim Kuk Hindistana sapar etmekçi bolýar, şol döwürde dükanyň açylyş dabaralaryna gatnaşmakdan başga-da, premýer-ministr Narendra Modi bilen duşuşyp, amerikan-hytaý gatnaşyklarynyň dartgynlylygynyň fonunda kompaniýanyň Hytaýyň daşynda önümçiligini giňeltmek boýunça niýetinini tassyklamagyna garaşýar.
