Günorta Koreýanyň LG Electronics kompaniýasy dokuz ýylyň içinde ilkinji gezek täze logotipini hödürledi. Bu logotip öňki elementlerini saklap galdy, ýöne ýylgyrýan animirlenen emojä öwrüldi. Bu barada kompaniýanyň blogunda aýdylýar diýip, gazeta.ru habar berýär.
“L we G harplaryndan ybarat bolan brendiň nyşany indi baş atmak, aýlanmak we göz gyrpmak ýaly sekiz sany özboluşly hereketi ýerine ýetirip biler” – diýip, korporasiýanyň wekili belledi.
LG täze logotip dürli ýurtlardan we nesillerden alyjylara, şol sanda Z neslinden ýaşlara ýarar diýip umyt edýär. “LG logosy müşderileri mähirli ýylgyryş bilen garşylap ýa-da sanly platformalarda fon aýdym-sazlary bilen dürli usullar arkaly bilelikde hereket edip biler” – diýlip, kompaniýada bellenildi.
Täze logotipde tegelek çarçuwa hem aýryldy, gyzyl reňk bolsa has açyk edildi. Şol bir wagtyň özünde, şekiliň özi kölegesiz we öwüşginsiz has minimalistik boldy. Şeýle-de, kompaniýa şygaryny Life’s Good (“Durmuş gowy”) diýip üýtgetdi.
