Günorta Koreýanyň mekdepleri “geljegiň synp otaglary” taslamasynyň çäginde akylly AI (emeli aň) okuw kitaplaryny girizip başladylar. 2023-nji ýylda LG eýýäm ýurduň 18 mekdebinde işleýän şeýle synp otaglaryny döredip başlady.
Bu synp otaglarynda mugallymlara we okuwçylara kömek edip biljek AI bilen enjamlaşdyrylan CLOi gumanoid robotlaryna birikdirilen sanly tagtalar gurnalandyr.
Günorta Koreýanyň Bilim ministrligi AI bilen işleýän sanly okuw kitaplaryny girizmek meýilnamasyny yglan etdi. 2025-nji ýyldan başlap täze okuw kitaplary ilki matematikany, koreý we iňlis dillerini, kompýuter ylymlaryny öwrenmek üçin ulanylar. 2028-nji ýyldan başlap, olar jemgyýetçilik bilimleri, taryh, tebigy ylymlar we tehnologiýa ýaly dersleri öwrenmekde hem ulanylar.
AI okuw kitaplaryny Samsung we LG kompaniýalary işläp düzerler. Kitaplarda köp dilleriň terjimesi we subtitrler bolar. Goşmaça funksiýalar entek mälim edilmedi.
Koreýa Respublikasynyň wise-premýeriniň orunbasary we bilim ministri Li Ju Ho: "Mugallymlar, synpda okatmagyň täsirli usullaryny işläp düzüp, AI bilen işleýän sanly okuw kitaplaryny ulanmakda möhüm orny tutarlar".
