Netflix strimingi patyşa Aleksandr Makedonskiý barada dokumental dramany surata düşürýär. Şeýle çözgüt “Iň soňky patyşalar” we “Afrikanyň şa aýallary: Zinga” seriallarynyň üstünlik gazanmagy netijesinde kabul edildi. Bu barada “Deadline” neşirine salgylanyp, gazeta.ru habar berýär.
Lentanyň iş ady “Aleksandr Makedonskiý”. Netflix bu filmiň üstünde geçen ýylyň tomsundan bäri işleýär. Filmi surata düşüriş işleri Marokkoda geçirilýär.
Çeşmäniň belleýşi ýaly, kartinada hem dokumental, hem çeperçilik elementleri bolar. Önümçilik bilen Tailfeather Productions we Lion TV meşgullanýar. Prodýuser bolup “Injil” mini-serialy boýunça belli bolan Toni Mitçell çykyş eder.
