Nýu-Ýorkuň polisiýasy şäheriň metrosyna gözegçilik etmek we jenaýatçylyga garşy göreşmek üçin robotlary ulanyp başlady. Bu barada sişenbe güni New York Post gazeti şäheriň polisiýa müdiri Kiçant Sýuelliň sözlerine salgylanyp habar berdi.
"Häzirki zaman şäherimizi we geljekki parahatlygymyzy goramak üçin, işgärlerimiziň bu işi ygtybarly we netijeli ýerine ýetirmekleri üçin zerur gurallar, okuw we tehnologiýalar bilen üpjün edilmegi möhümdir" - diýip, neşir Sýuelliň sözlerini getirýär.
Gazetiň berýän maglumatlaryna görä, polisiýa eýýäm umumy bahasy takmynan 750 müň dollar bolan iki sany "sanly iti" ulanýar. Olar mikrofonlar, kamera we datçikler bilen üpjün edilen. Bu "sanly itleriň" iň ýokary tizligi sagatda 1,6 km. "Habarçy robot" lakamly robotlar şäheriň esasy meýdançasyna, Taýms meýdanyna we metro bekedine gözegçilik edýär.
