Amerikan Intel Corp. dünýäde ýarym geçiriji bölekleriň önümçilik gurşawyndaky iň gymmat brendleriň arasynda liderligi saklaýar, ýöne Taiwan Semiconductor Manufacturing Co. (TSMC) onuň yzyndan ýetmäge ýakyn. Muny Brand Finance konsalting kompaniýasynyň maglumatlary delillendirýär diýip, interfax.ru habar berýär.
Intel brendiniň bahasy 22,9 mlrd dollar bilen bahalandyrylýar, bir ýylyň dowamynda görkeziji 10% peseldi. TSMC brendi bolsa bir ýylda 5% gymmatlady we häzir 21,6 mlrd dollar bilen bahalandyrylýar.
Broadcom pudakda iň çalt ösýän brend boldy, onuň bahasy 29%, $8,2 mlrd çenli ýokarlandy. Ösüş depgini boýunça ikinji orny Analog Devices amerikan brendi eýeleýär. Ol 21% ösüşi görkezip, bahada 1,9 mlrd dollara ýetdi.
Ýarym geçiriji bölekleriň gurşawyndaky iň gymmat brendleriň arasynda üçünji orny Nvidia Corp., dördünji orny SK Hynix, bäşinji orny Qualcomm Inc. eýeledi. Onluga Broadcom, Advanced Micro Devices Inc. (AMD), ASML Holding NV, Micron Technology we Texas Instruments hem girýär.
