Russiýa Federasiýasynyň Tatarystan Respublikasynyň Raisi Rustam Minnihanow Aşgabada bir günlük saparynyň çäklerinde Türkmenistanyň Prezidenti Serdar Berdimuhamedow bilen duşuşdy diýip, Raisiň metbugat gullugy habar berýär.
Taraplar hyzmatdaşlygy giňeltmegiň meselelerini ara alyp maslahatlaşdylar. Duşuşygyň barşynda bellenilişi ýaly, geçen ýylyň jemleri boýunça özara haryt dolanyşygynyň möçberi iki ýurduň eýe bolan mümkinçiliklerine laýyk gelmeýär. Bu günki gün Tatarystanyň maşyn gurluşygy we nebiti gaýtadan işleýiş ulgamyndaky birnäçe iri kompaniýalary Türkmenistanda iş alyp barýar.
«Yslam dünýäsi bilen hyzmatdaşlyk elmydama Tatarystanyň daşary ykdysady we halkara gatnaşyklarynyň ileri tutulýan ugurlarynyň biri bolmagynda galýar. «Russiýa-Yslam dünýäsi: KazanForum» forumy ykdysady gatnaşyklar üçin esasy meýdança bolup durýar» - diýip, Rustam Minnihanow belledi.
Şu ýyl «Russiýa-Yslam dünýäsi: KazanForum» forumy 18-19-njy maýda geçiriler.
