Russiýaly Daniil Medwedew Maýamide (ABŞ) geçirilen baýrak gaznasy 8,8 mln dollar bolan “Masters” tennis ýaryşynyň ýeňijisi boldy.
Ýaryşda dördünji belgide ýerleşdirilen Medwedew finalda 10-njy belgili italiýaly Ýannik Sinneri 7:5, 6:3 hasabynda utdy. Tennisçiler kortda 1 sagat 35 minut boldular. Şahsy duşuşyklardaky hasap russiýalynyň peýdasyna 6-0 boldy.
Medwedew karýerasyndaky ýekelikde 19-njy ATP ýaryşynda, şeýle-de häzirki möwsümde dördünji ýaryşynda ýeňiş gazandy. Ol Maýamidäki ýeňşi üçin 1,262 mln dollar we 1000 reýting utugyny gazandy. Sinner 662 müň dollar we 600 bal alar. Duşenbe güni Medwedew dünýäniň iň gowy tennisçileriniň reýtinginde dördünji orna çykar.
