Apple täze ýokary hilli smartfonlaryna aşa pes energiýa sarp edişli mikroprosessor oturdar.
Bu barada iPhone 14 Pro-da we 14 Pro Max-da Dynamic Island-yň peýda bolmagyny takyk çaklan insaýdere salgylanýan MacRumors neşiri habar berdi diýip, Report ýazýar.
Amerikan kompaniýasynyň meýilnamalary bilen tanyş bir adamyň sözlerine görä, täze çip kuwwatly gaty berk düwmeleri dolandyrmak üçin niýetlenendir. Ol smartfonyň batareýasy çökse-de, mikroprosessoryň işlejekdigini aýtdy.
Mikroprosessor diňe seriýanyň iň ýokary klas smartfonlarynda — iPhone 15 Pro-da we 15 Pro Max-da peýda bolar diýlip çaklanylýar. Çip Bluetooth LE-niň we Ultra Wideband-iň funksiýalaryny ýerine ýetirer, ýagny batareýa doly çökse-de, enjamyň aragatnaşykda galmagyna mümkinçilik döreder.
Hünärmeniň sözlerine görä, mikroprosessoryň ornaşdyrylmagy Apple-iň geljekki smartfonlarda sesi sazlaýan fiziki düwmeleri aýyrmagy meýilleşdirýändigi bilen baglanyşykly. iPhone 15 we 15 Plus ýaly esasy enjamlaryň nusgawy fiziki düwmeler bilen galmagyna garaşylýar.
