Serbiýaly Nowak Jokowiç Professional tennisçileriň assosiasiýasynyň (ATP) global reýtinginde birinji orny eýeleýän ispaniýaly Karlos Alkarasyň Maýamide geçirilýän “Masters” ýaryşynyň finalyna çykyp bilmändigi sebäpli, duşenbe gününden başlap dünýäniň birinji raketkasy adyny gaýdyp alar. Bu barada rsport.ria.ru habar berýär.
2022-nji ýylda Maýamide geçirilen ýaryşyň çempiony bolan Alkaras bu gezek ýaryşdaky çykyşyny ýarym finalda tamamlady, ol italiýaly Ýannik Sinnerden utuldy.
Ýarym finalda utulandygy üçin ol geçen möwsümde “Mastersde” gazanan reýting utuklaryny gorap bilmedi we indi ATP-niň täzelenen reýtinginde 400 bal ýitirer. Jokowiç koronawirus çäklendirmeleri sebäpli geçen möwsümde-de, şu möwsümde-de ýaryşa goýberilmedi, şonuň üçin oňa Maýamidäki reýting utuklaryny goramak gerek bolmady we ol täze reýtingde bal ýitirmez.
Häzirki wagtda Jokowiçiň hasabynda 7160 utuk, Alkarasda 7420 utuk bar. 3-nji aprelde Jokowiçde şol bal galar, Alkarasda bolsa 7020 utuk galar we ol birinji orny serbiýaly türgene berer.
