Türkmenistanda täze «Arkadag» futbol kluby döredildi. Türkmenistanyň Futbol federasiýasynyň nobatdan daşary konferensiýasynda geçirilen ses berlişigiň netijesinde «Arkadag» futbol kluby biragyzdan Türkmenistanyň Futbol federasiýasyna agzalyga kabul edildi. Bu barada federasiýanyň resmi saýty habar berýär.
Konferensiýanyň yzysüresi geçirilen TFF-niň Ýerine ýetiriji komitetiniň ýygnagynda täze döredilen «Arkadag» futbol klubuny ýurdumyzyň futbol çempionatyna hem-de Kubogy ugrundaky bäsleşige goşmak barada karara gelindi.
Şeýle-de, TFF-niň ýerine ýetiriji komitetiniň ýygnagynda ýurdumyzyň futbol çempionatynyň, Kubok bäsleşiginiň hem-de ýaşlar toparlarymyzyň gatnaşmagynda geçiriljek ýaryşyň geçiş tertipleri ara alnyp maslahatlaşyldy.
