Eýýam çalyşýar: bu günki gün МТС operatory adaty nyşany aýrylan - ak ýumurtgasyz, düýbünden täze logotip hödürledi. Indi ol üç burçunda "M", "T" we "C" harplary bolan inedördül. Şeýle-de bolsa, kompaniýa bu görnüşiň entek gutarnykly däldigini aýdýar.
“Indi МТС-iň firma stiliniň esasy — ähli önümleri öz içine alýan we wizual ulgamyň esasyna öwrülýän dinamiki we çeýe logotip, onuň çep burçy bolsa aýratyn hyzmatlary bellemek üçin erkin galýar. Brendiň esasy tanalýan elementi bolan МТС-iň gyzyl reňki saklandy, ýöne oňa has köp dürli reňk çözgütleri goşuldy " - diýip, operator täze logotip barada teswir berýär.
“Biz köp zady üýtgetdik. Dolandyryş ulgamlaryny üýtgetdik, köp kompaniýalar içerde peýda boldy. Öňküligimize galyp bilmedik, daşymyzy hem üýtgemeli wagtymyz geldi diýip pikir etdik. Muňa gutarnykly we üzül-kesil karar diýip aýdyp bilmerin" - diýip, МТС-iň prezidenti Wýaçeslaw Nikolaýew rebrendinge bagyşlanan çärede aýtdy. Şeýle hem, rebrendingiň 20-30 million rubl bolandygyny çaklady.
МТС täze logotipiň ýuwaş-ýuwaşdan giriziljekdigini belleýär: ilki bilen sanly önümler we saýtlar üýtgär, ofisleriň we dükanlaryň atýazgylary, dizaýny bolsa kem-kemden üýtgär.
