Argentinanyň milli ýygyndysynyň hüjümçisi Lionel Messi milli ýygyndy üçin 100 gol geçirdi. Argentinaly futbolçy Kýurasaonyň milli ýygyndysy bilen geçirilen ýoldaşlyk duşuşygynda het-trik etdi, indi onuň hasabynda 102 gol bar. Şeýlelikde, Messi öz ýurdunyň milli ýygyndysy üçin 100-den gowrak gol geçirmegi başaran taryhda üçünji oýunçy boldy.
Bu görkeziji boýunça Portugaliýanyň hüjümçisi Kriştianu Ronaldu 122 gol bilen öňde barýar. Karýerasyny tamamlan eýranly futbolçy Ali Daei milli ýygyndy üçin 109 gol geçirdi.
Argentinanyň milli ýygyndysy Kýurasao toparyny 7:0 hasabynda ýeňdi. Duşuşygyň 20-nji minudynda Lionel Messi hasaby açdy. Üç minutdan soň Nikolas Gonsales artykmaçlygy artdyrdy. 33-nji minutda Messi dubl etdi. Enso Fernandes 35-nji minutda Messiniň beren pökgisini tora girizdi. Messi oýnuň üçünji goluny iki minutdan soň tora girizdi. Anhel Di Mariýa 78-nji minutda jerime urgusyndan pökgi geçirdi. 87-nji minutda Gonsalo Montýel hasaby jemläp, 7:0 etdi.
