29-njy martda Daşoguz welaýatynyň ekerançylary gowaça ekişine girişdiler. Bu ýerde howa şertleri nazara alnyp, gowaça ekişi ýurdumyzyň beýleki sebitlerinden biraz giç başlandy.
Welaýatyň ekerançylary, esasan, pagtanyň “Daşoguz — 120”, “Daşoguz — 114”, “Gubadag — 3”, “Jeýhun”, “S-4727”, “F-149”, “Ýolöten — 39” ýaly orta süýümli görnüşlerini ýetişdirýärler. Sebitde meýdanlary ekişe taýýarlamak we gowaça ideg etmek üçin döwrebap tehnikalaryň, şol sanda maşyngurluşygynyň dünýäde öňdebaryjy kompaniýalaryndan satyn alnan tehnikalaryň uly toplumy bar. Ekijiler we beýleki oba hojalyk tehnikalary ekişi bökdençsiz geçirmegi üpjün ederler. Mundan başga-da, göçme ussahanalar, kebşirleýji enjamlar, ýangyç daşaýan awtoulaglar bilen üpjün edilen toparlar döredildi.
