Premýer-ministr Alihan Smailowyň ýolbaşçylygynda Gazagystanyň hökümeti aşaky palatanyň täze saýlanan düzüminiň öňünde ygtyýarlyklaryny tabşyrdy diýip, Trend gazak habar beriş serişdelerine salgylanyp habar berýär.
Palatanyň deputatlarynyň saýlawlary 19-njy martda geçirildi. Ýerleriň aglabasyny iň uly partiýa bolan "Amanat" aldy. Çarşenbe güni täze çagyrylyşyň deputatlary ilkinji ýygnaga ýygnandylar. Gazagystanyň Konstitusiýasyna laýyklykda, hökümet täze saýlanan mejlisiň öňünde ygtyýarlyklaryndan çekilýär.
"Gazagystan Respublikasynyň Hökümetiniň Gazagystan Respublikasynyň Mejlisiniň täze saýlanan majlisiniň öňünde ygtyýarlyklaryndan çekilýändigi bilen baglanyşykly karar edýärin: Gazagystan Respublikasynyň hökümeti täze düzümi tassyklanýança öz borçlaryny ýerine ýetirmeli – diýip, Gazagystan Respublikasynyň prezidenti Kassym-Žomart Tokaýewiň metbugat gullugy tarapyndan neşir edilen kararyndaky tekstde aýdylýar.
Indi Tokaýew halk deputatlarynyň garamagyna hökümet başlyklygyna täze dalaşgär hödürlemeli. Mejlis tarapyndan tassyklanandan soň, prezident ony premýer-ministr edip bellär.
