17 ýaşly türkmen agyr atletikaçysy Medine Amanowa Albaniýanyň Durres şäherinde geçirilen ýetginjekleriň arasynda dünýä çempionatynda altyn medal gazandy.
Medine 59 kg çenli agram derejesinde ýeňiş gazandy. Silterläp hem-de itekläp götermegiň jemi boýunça türkmen türgeni — 199 kg netije görkezdi.
Bu agram derejesinde ikinji orny ekwadorly Jessika Palasios eýeledi — 195 kg (88+107). Bürünç medaly albaniýaly türgen Enkileda Karja aldy — 187 kg (87+100).
Öň, bu abraýly ýaryşda Türkmenistanyň beýleki bir wekili Ogulşat Amanowa 45 kg çenli agram derejesinde altyn medal alypdy.
Perhat Bahtiýarow bolsa 61 kg çenli agramda kümüş medal gazandy.
