iOS 17-de özge çeşmelerden iPhone üçin mobil goşundy dükanlaryna goldaw hödürlenip biler. Bu barada TechCrunch neşiri tanymal insaýder we Bloomberg-iň habarçysy Mark Gurmanyň sözlerine salgylanyp habar berýär.
Owal iOS 17-de Apple operasion ulgamyny optimizirlemäge we öňki wersiýalardaky kemçilikleri düzetmeklige ünsi jemlär diýip hasaplanýardy . Şeýle-de bolsa, Gurmanyň habar berşine görä, işlenip taýýarlanyş wektory üýtgedi.
Insaýderiň maglumatlaryna görä, Dawn diýlip atlandyrylýan iOS 17 birnäçe “iň köp talap edilýän aýratynlyklary” alar. Gurman munuň nämedigini aýtmady, ýöne täzelikleriň "gowy" boljakdygyny belledi.
TechCrunch-da maglumat berijiniň aýdan üýtgeşmeleriniň, ilkinji nobatda, üçünji tarapyň çeşmelerinden iOS-a goşundylary almak mümkinçiligini goşmak bilen baglanyşykly diýip hasaplaýarlar. Neşiriň pikiriçe, Apple-e Ýewropanyň kanunlarynyň talaplaryny ýerine ýetirmek üçin muny etmek zerur bolup durýar.
